حوار بين اب وابنه حول ( الحب والنصيحه )

اتمنى تعجبكم

الاب:
يوليدي اعرف بيك عاشك واعذرك
ومن تطخ الراس من حكي احذرك

الابن:
يابويه اظل للدوم عد حسن ظنك
شمعه على درب الشوك كل كلمه منك

الاب:
يوليدي درب الشوك كبلك مشيته
سهله بدمع تبجي بالدم بجيته

الابن:
يابويه عد عيناك بس كلي هسه
انسه الاحبها تريد وعيونك انسه

الاب:
لا يبني كلبي ارتاح وتدلل وحب
بس اظن هم يفيد حچي المجرب

الابن:
انه اشكر الله هواي مثلك ابو يصير
بطيبه وكلب فرحان ينصحني ويشير

الاب
يوليدي اريدك دوم تندل طريقك
واحسبني من هاليوم بالحب صديقك
تحياتي الكم

سلمت يداك

ربي يعطيك الف عافيه

حوار رائع وجميل ..

الله لا يفرق بين اب وابنه .. هذي الصداقة اللي تدوم

مشكور ...
دائما متالق بكتاباتك الرائعة

احترامي وتقديري

مشكووور عيني ابو يمامة
وعاشت ايدك والله ميحرمنا من طلتك علينا بمواضيعك المميزة
وان شاءالله دائما نحو التقدم والتألق

تقبل مروري

تحياتي الى الورود المتفتحه والتي عطرها لايزول
وتبقى الى الابد لاتذبل الى النجمه المتألقه والى مي الحنونه
واشكركم على ردودكم الطيب والشفاف والعسل الصافي
ممنون من عدكم ودمتم للمنتدى منورين
وبكم يحلو الجو ويتباهى
تحيه خاصه للنجمه التي لا تزول من الدنيا وتحيه خاصه الى مي الحنونه
ربي لا يحرمن من شوفتكم ومروركم
تقبلو تحياتي .....