بعض الزهيريات للشاعر المتألق مالك الحزين

سميت انوح بحزن مهموم انعي وارد
على هلغوالي الگبل جانولي مثل الورد
اغرف اغرف يگلبي من بحور المرار وارد
ليما يسلك عنين بجاك والافئفه
ما اطلبت ظعنهم حيف عليه وافه
يا داراهلنه جذب لو لچ معاهم وفه
ماجان بيج النبت عگب الغوالي ورد

مارحتي هذا الكلب بوصال مره انتي
ومرنتي كلبي على الهجران مرنتيه
ردنه تمرين مره بشوك مره انتي
ما ردنه منك ذهب بس شوف وجهج بس
وشحيتي بمواصلج ليما هرشنه يبس
حلوه وشبيه الكمر وخدود تسحر بس
مره انتي رغم الحلات البيج مره انتي

عيونك اسهام انبتن بكليبي ومخالف
ضليت اون بعبرتي اعجاز ومخالف
اشلون املك وهم سمعت مي خالف
المجرى ورجع بالعكس رد وصعد راسي
حبك كتلني وغرامك با الكلب راسي
واريد بس لو متت توكف عند راسي
وتكول احبك ولو با الچذب ميخالف



يمه رمانه الهوى وحيلي بده محلل
ونا بلگلبي سعرت ما شافهه محلل
ناديت ولفي تعال بشوگ وامح اليلل
واكرب عليك النبي والواحد الاحد
وزيح هم اللبده من الاثنين لللاحد
وانه ييمه ان متت لا تتهمون احد
جتالي ذاك الترف ماهوب ومحلل

هاي بعض الزهيرات لمالك الحزين
وارجو ان تنال اعجابكم ...

ابو يمامه

عاشت الايادي على هذه الابوذيات الروعة والاكثر روعة انها للشاعر المبدع مالك الحزين

وتنمنالك التقدم اكثر واكثر ونشوف منك ابوذيات اكثرواحلى

تقبل مروري
مي العاني