اي نوع من الاطفاااااااااااال انت ..!!؟؟

بسم الله الرحمن الرحيم
السلام عليكم ورحمة الله وبركاته
اي نوع من الاطفاااااااااااال انت ..!!؟؟ 257823859468083fd9f8da

يختلف الاطفال في سلوكهم وتصرفاتهم ونفسيتهم .. لذلك .. هناك نماذج مختلفه من الأطفال كنا في يوم من الأيام مثلهم ..

اي نوع من الاطفاااااااااااال انت ..!!؟؟ 1378750175468083fda00a9

اي نوع من الاطفاااااااااااال انت ..!!؟؟ 1378750175468083fda00a9

الــــــطــفــــل الــــبــــريء

في المنزل تجده حبوووب وطبيعي 100 %
لكن مع دخوله المدرسة .. ( تنمحي ) شخصيته ..
فتكثر الاصابات في وجهه .. لأنه مايدافع عن نفسه ..

الـــــــطــــفــــل الــــعــــنــــيـــد

يطبق نظام البيت بالعكس .. يسوي اللي براسه ..
مايخاف من الأب أو الأم .. لو قلت له هذا خطر لاتقربه .. عناد فيك يسويه ..
يُــضرب كثيراً في طفولته .. ومع ذلك عنيد مايغير رايه ..

الــــطــــفــــل الــــحــــنـــّـان

يستخدم وسيلة الحنة لتلبية رغباته
له نغمه خاصه في المنزل ..
تلبى رغباته كـُرهاً .. يعانون اهله من الصداع المستمر ..

الـــطـــفــــــل الــــمــــــادي

هذا الطفل مايرد السلام الا ( بفلوس ) ..
تعامله مع اهل المنزل مادي ..
يستخدمونه لتوصيل طلبات المنزل .. ونقل السوالف.. وكل شي بحسابه ..

الـــــطـــــفــــل الــــفــــتـــّــان

تجد عند هذا النوع جميع اخبار المنزل ..
يجد المتعه في اذلال غيره بالفتنه عليه .. ماله خاتمه ..
هذا الطفل حتى لو شريت سكوته بفلوس ..
توقع تلقى اخبارك ثاني يوم في الصفحه الرئيسية .. في الجريدة الرسمية ..

الـــــطـــــفــــل الــــدلـــــوع

fهذا دلوع ماما وبابا .. يكرهونه باقي الاطفال لانه مرفه وشايف نفسه عليهم..
تلبى رغباته قبل ليطلبها .. شخصيته اتكاليه جداً ..

الــــطـــــفــــل الــــعـــــلـــــه

يزعجك بأسئلته الي ماتنتهي .. يستفسر من كل شي .. حتى لو عطست ..
قالك شلون عطست .. وليش عطست .. وشلون تكونت العطسه ..
يحرجك احياناً .. ويمكن دائماً بأسئلته .. مره تجاوب عليه ومره تسفهه ..
واكثر الاوقات ماتلقى اجابه لاسئلته .. لأنك في الحقيقه تجهلها ..

الــــــطـــــفــــل الــــمــــتـــشـــــرد

هذا الطفل مستحيل يجلس في البيت ..
يعيش في الشارع اكثر من بيته .. خبره ودليل في كل ممر وطريق ..
يعرف طول الشارع بالسنتيمتر .. من الممكن ان يصبح اذا كبر مهندس طرق ..

الــــطــــفــــل الــــصـــريـــــح

يستانسون اهله على سوالفه .. فصيح جداً ..
ويلقط العبارات والمفردات بسرعة مذهله ..
يسبب احراج دائم لأهله .. من الممكن ان يقول كلمة بالغلط للضيوف او الاقارب ..
يتميز احياناً بقلة الذووق والوقاحة اذا انفعل ..
لاينصح بأستفزازه ابداً ..

الــــطـــفــــــل الـــلــــــــزقــــــه

تلقاه مسنتر عند باب البيت .. محد يطلع الا وهو لازق معاه ..
حتى الضيوف من الممكن تلقاه يلزق فيهم ويطلع معاهم ..
يـُـضرب كثيراً .. وخاصه من اخوانه اللي اكبر منه .. او خواته ..
لانه عباره عن رادار على طلعاتهم ..
احياناً يضطرون يطلعون من نافذة المنزل للهروب منه ..
ولكن للأسف يجدونه بانتظارهم في السيارة ..ويسألهم ليش تأخرتوا عليّ ..

الــــطــــفــــل الــــهـــــــادي

هذا الطفل ماله صوت ابد .. وين ماتحطه تلقاه ..
احياناً يهملونه اهله .. لانهم ناسينه ..
واحياناً يلقى اهتمام زائد من اهله ..
لو يموت من الجوع ماتكلم ..
في كثير من الاحيان تلقى اهله ناسينه بالسوق او عند الاقارب اثناء الزيارات ..

الــــــطـــــفـــــل الـــــقــــــوي

اهله دائماً في احراج و مشاكل مع الناس ..
هرمون الاجرام مرتفع بنسبة عالية في جسمه ..
في كل جبهة طفل في ( منطقتهم ) تلقى له أثر وتوقيع ..
يمثل القائد والفتوه .. يهابونه الاطفال ..
يتقرب منه الكبار ويتوددون له حفاظاً على سلامة اطفالهم ..

أنتم من أي نوع اذا تتذكرون ؟؟ : :

I love you

تحياتي القلبيه لكم I love you

كل الاحترام flower

مودتي

لم اجد نفسي من بين هؤلاء الاطفال و لكن شكرا

موضوعك جدا راقي وجذاب واكثر من رائع
اعجبتني اتقايك بعض الكلمات وحوارك الجميل والممتع

بسال امي انا من اي نوع وبرد عليك لاني صراحه ماادري بس انا شفت نفسي في كل الانواع bounce

naoufal stt

مشكور اخوي على مرورك وردك الكريم
ان شاء الله راح تجد نفسك .. وانت كبير الرجل الصالح

سجايا روح

اشكرك على تواجدك الدائم في صفحاتي
وانا بانتظار الرد

وراح اسألك

تحياتي لكم